一提起積木，應該好多人第一個想法就係LEGO，有幾多人會覺得積木咪就係砌黎砌去，好似冇咩目的，唔知做緊咩。但筆者認為，「積木」其實比我地想像中有更多好處。甚至，唔同領域既知識都可以透過積木展現出黎。
首先，玩過LEGO既人都會知道，LEGO積木既「百變性」係最為吸引既地方。一頭為凸粒，另一頭為凹孔既設計，令玩LEGO既孩童可以盡情發揮自己既想像力及創造力，隨意拼換出變化無窮既建築。
而除左LEGO，依家有唔少既遊戲都可以為孩童提供類似既效果，例如 Minecraft & Roblox。呢類型既遊戲亦稱為沙盒遊戲，意思係指玩家不受限於實現特定目標，並且具有很大程度的探索、互動或修改遊戲環境的自由。
受限於環境同時間，小朋友好難有足夠既時間同地方去比佢地砌積木，所以系遊戲平台裡面享受自由發揮就變得非常普及。
雖然涉及到孩子同電子產品時，唔少父母都會採取謹慎既態度去看待，但其實只要使用恰當，呢類型既開放遊戲可以為小朋友未來帶來唔少好處：
美國心理學會(APA) 既一篇文章裡面有提及到，學者Isabela Granic 研究表明，“相比起玩競技類型遊戲既小朋友，小朋友玩可以交流，互相合作配合既遊戲會有更大既機會去幫助其他人。” 根據Wired雜誌指出，電子遊戲有能力幫助玩家“克服對失敗既恐懼。
而其他好處例如提高解難能力、改善記憶力、空間意識、幾何技能…… 對小朋友將來既成長都有正向既幫助。而我之所以會將Minecraft等既遊戲同LEGO積木相題並論既原因就係當中可以給予小朋友無限創作既潛力。大家可以參考以下既圖片：
